INDEX

PARITTA PARIKAMMA 1. Samantā cakkavāḷesu, Atrāgacchantu devatā, Saddhammaṁ Munirājassa, Suṇantu sagga-mokkha-daṁ. 2. Dhammassavana-kālo ayaṁ bhaddantā! (3 x) 3. Namo Tassa Bhagavato Arahato Sammāsambuddhassa. (3 x) 4. Ye santā santa-cittā, tisaraṇa-saraṇā, ettha lokantare vā, Bhummābhummā ca devā, guṇagaṇagahaṇa-byāvaṭā sabbakālaṁ, Ete āyantu devā, vara-kanaka-maye, Merurāje vasanto, Santo santosa-hetuṁ, Munivara-vacanaṁ, sotumaggaṁ samaggā. 5. Sabbesu cakkavāḷesu, Yakkhā devā ca brahrnano, Yaṁ amhehi kataṁ puññaṁ, Sabba-sampatti-sādhakaṁ. 6. Sabbe taṁ anumoditvā, Samaggā Sāsane ratā, Pamāda-rahitā hontu, Ārakkhāsu visesato. 7. Sāsanassa ca lokassa, Vuḍḍhī bhavatu sabbadā, Sāsanam pi ca lokañ ca, Devā rakkhantu sabbadā. 8. Saddhiṁ hontu sukhī sabbe, Parivārehi attano, Anīgha sumanā hontu, aha sabbehi ñatibhi. 9. Rājato vā corato vā manussato vā amanussato vā aggito vā udakato vā pisācato vā khāṇukato vā kaṇṭakato vā nakkhattato vā janapada-rogato vā asaddhammato vā asandiṭṭhito vā asappurisato vā caṇḍa-hatthi-assa-miga-goṇa-kukkuraahi-vicchika-maṇisappa-dīpiaccha-taraccha-sūkara-mahiṁsayakkha-rakkhasādīhi nānābhayato vā, nānārogato vā nānā-upaddavato vā arakkhaṁ gaṇhantu.